Ehangano linasha netonatelo lomakwatafano moshilongo  (CRAN) ola dimbulukifa ova Namibia aveshe kutya efiku laxuuninwa loku shangifa oukalata vavo vomeengodi domakwatafano opeke omi  31 December  2023.

Omukanda oo watuminwa oikundaneki onghela okudja ko Clan owati moshilongo ota muulike muna oukalata veengodi tava longifwa vefike pee million 2,760,804  ashike fiyo okufika mo 15 June 2023,  omuvalu ashike woukalata ovo vashangifwa wa li tawuulike ufike po   795,991  osho sha kalelapo 29%.

Katrina Sikeni, eli omunambelewa kulunhu moshikondo shomakwatafano mehangano lo  CRAN okwati,  pamapekaapeko oo ningwapo okufika mo 30 September 2023,  okwa ulika kutya ehangano lo MTC olo taluulike lina omuvalu uli pombada woukalata vashangifwa vefike 799,797 vomoukalata vefike 2,353,298,  moshilongo ashishe.

Ehangano lo  Telecom Namibia Limited,  loo ola ulika lashangififa oukalata vo vayakulwavavo vefike po 117,585 vomoukalata 429,732 , loo ehangano lo Paratus Telecommunications taluulike  lina oukalata aavo vashangifwa vefike 5,152 / 5,437 Omanga ehangano lo UCOM Mobile Namibia loo ta luulike kutya oukalata valo aaveshe vefike 1,113 ova shangifwa.

Ehangano ola ulika omalimbililo kombinga yomashongo oo tashi dulikififa aetififa eshongolo lomalishangifo oukalata veengodi ngaashi:  oovene veenele vamwe ovo ina vahala peenele davo paningilwe omalishangifo, omumbwe yoku hena omalusheno ngaashi keenele domaushai, oshoyo ovayakulwa tava ende okadi kowishi.

Omunambelewa okwa twa omukumo ovalongifi aaveshe voukalata veengodi vakale vashangifa oukalata vavo omanga efimbo olo laxupako inali uya pexulilo,  naavo tava kadopa okushininga oukalata vavo ita vakakalamo momepo okudja mo 31 December.

Okwati ovo tava kaningwa oihakanwa ota shidulika vakakanife eenomola davo dikulu,  nomito oyo tava kapewa ita ikeva pitika vakale  vali neenomola davo odo dikulu ndee ota va kapewa eenomola dimwe dipe.

Sikeni momukanda omo twoo omo tayelifa kutya,  Namibia ote litula momulandu umwe noilyo longo ikwao ifike po 157 mounyuni oyo yatula moilonga omulandu woku shangifa oukalata veengodi.

Okwati omulandu ouli yoo taukaya moshipala onghalo yoimbuluma, noku limonena yoo omayakulo makwao opa makwatafano opamalungula ngaashi oo haayadjwa keembanga noikondo ikwao.

Ovo tave kelishangifa ota vapumbwa oku twaalelwa madina avo elixwapo, omukanda diminino wonele opo omunhu hadi, oshoyo o copy yokamutwe koshilongo ile omukanda womalweendo (passport).

Okwati omalishangifo okwa yeulukila ovaNamibia aveshe oshoyo ovadjailongo ovo veli mo Namibia.

Sikeni takumaida oshiwana shikashangife oukalata vasho omanga omafiku  31 December 2023 inaafiak , opo shili vangeke oku tetelwamo omayakulo asho omakwatafano oshoyo oku kanifa eenomola dasho odo dikulu.