Oilongomwa yoikwamavava okudja koSA, yatulilwapo manga omangabeko.

Ouminity wounamapya omeva netulululo ledu owa yandja eshiivifo koshiwana kutya,  owa xulifapo manga okulanda oilandifomwa yoikwamavava okudja ko SA omolwo omukifi weshikisha loudila latukuka moshilongo osho.

Pefimbo leenghundafana doshikundaneki sho Future Media news, nao eli omunambelewa hapopileko ouminsitriy Jona Musheko okwati,  eshikisha loikwamavava ola didilikwa moitopolwa ngaashi  Kwazulu Natal,  oshoyo oitopolwa ikwao yoshilongo osho.

Musheko tayelifa kutya ouminity owaninga efiku welipyakidila noku tulapo eenghendabala, ashike otashuulike kutya okudja mu April neudo,  omukifi owa twikila oku pula komesho, osho sha etififa vatulepo omangabeko  oilongomwa yoikwamavava okudja ko SA.

Okwati ombelela yeexuxwa, ouxuxwena oshoyo omayi,  aishe  oya tulilwapo manga omangabeko , kakele kombelela oyo taiya yapya nale,  elalakano oku kelela etandavelo lomukifi moshikondo shoikwamavava.

Musheko takunghilile ovanangeshefa vaye manga poilongo imwepo ponele yokuya ko SA , omanga onghalo taitonatelwa.

Okwati oshili yoo tashi yandje omito  koshilongo shitwikile  nokulonga oikulya yasho kushoo vene ponele yoku likwatelela pondje yoshilongo.

Okwati ouminsity wounamapya owa tulapo yoo omukalo tauyambidida ovanafalama ovo vena ehalo loku kwatela komesho outeku woikwamavava , nokwapula valongife omito oyo veli kongele omakwafelo.

Okwati omangabeko oilongomwa yeexuxwa okwaya moilonga ,  okudja Metivali.

Related Images: