Israel a dhenge okapale koodhila ka Allepo mo Syria

Oshiponokela sho missile ya Israel osha dhenge okapale koodhila kopashigwana ka Allepo mo Syria nena,noku etitha eyonagulo kokapale.

Onzonkundana ya China yo Xinhua  tayi endulula o radio tayi yambidhidha epangelo lya Syria yo Sham Fm oyati oshiponokela oshiti 4th okudhenga okapale omwedhi nguka.

Kuyele mesiku,oshiponokela sho missile ya Israel osha dhenge endiki lyopakwiita lya Syria moshikandjo Daraa noku dhipaga aakwiita ya Syria yeli 8,noku ehameka ya 7.

Iiponokela oyeya sho pena omahilathano moshitopolwa geli ompinge niiponokela ya Israel mo Gaza Strip.

Okuza mu 7 October,sho Israel  a tameke noshikonga mo Gaza,Israel okwa ponokela okapale koodhila ka Allepo iikando ine,noka Damascus iikando iyali.

Ka Allepo oka dhengelwe nale  mo 12,14,22 october ,nokwali kwa tegelelwa keeguluke sho ka longululwa,sha landula oshiponokela shagunina.

Na Syria ota kondema iiponokela ya Israel.

Related Images: