Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
OmuPresident Nangolo Mbumba, okwati Namibia nande eli oshilongo osho shihena ndjoolola yeitavelo lopamepo, okwa kumaida ovaleli meengeleka vahalongife pambabo oilyo yavo yeengeleka.
Mbumba edi okwe dipopya pefimbo ali euya oku talewapo keengudu 3 domahangano eengeleka mwakwatelwa ehangano longeleka yo Southern Africa Union Conference Seventh Day Adventist Church, National Spiritual Assembly of the Bahá’ís, oshoyo ehangano lo Establishment of Africa Jews Federation and Chief Rabbinate of Africa osho sha ningilwa peumbo lepangelo onghela.
Omupresident metumwalaka laye okwa yandja ekumaido kovaleli veitavelo lopamepo vayandje eyakulo lopamepo olo lili mouwa wova Namibia aveshe, ndee haku likongela omikalo doku fipa oshiwana oimaliwa noku litumbalekela omadina ngaashi bishops, archbishops, prophets, ile keshe tuu, ndee vakale ovawiliki ovo tavalongifwa onga ovanhu vakalunga.
Mbumba tapopi kutya luhapu ova Namibia otava nyenyeta kutya oshilongo osho vakelefti, ashike okwati eshi oshilongo shina omulandu wokuhena ondjoolola yeitavelo lopamepo oshina yoo omauwa asho nolwaasho kashina omangabeko omilandu ndee oshili sha mangulukila keshe umwe.
Okwati omanga emanguluko loshilongo lali ina li ningwa mo 1989, ovaleli ova kufile omatokolo opavali, omo mwakwatelwa kutya epangelo ita lidulu okulitukula okudja kongeleka nopali yoo patulwa omilandu defimaneko odo danuninwa ovaleli vopamifyuululwakalo vahakale tava talelwa kombada yeenyala okudja moshiwana.
