Aanafalama ya gumwa ketukuko lyoshivu sho Influeza mo S.A otaaka yambidhidhwa kepangelo

Omanga ko S.A,omupevi Presitend Paul Mashantile ohela ati epangelo otali ka yambidhidha aanafalama mboka ya gumwa ketukuko lyoshivu sho avian Influeza miitopolwa yimwe yoshilongo.

Mashantile tati epangelo okupitila moshikondo shuunamapya,etulululo lyomavi neyambulepo lyokuushayi,  otaliyapo no scheme yoku yambidhidha aanafalama yoondjuhwa mboka ya gumwa,no scheme oyina ongushu yoo rand oobilion 3.5.

Uukwatya wo scheme otau ka ikundwa,okutala kutya eyambidhidho otali kwatelemo shike,ashike ethindilemo lya tulwapo ko portofolio committe oondyoka kutya aanafalama ayehe ya gumwa,unene mboka aashona,otayaka pewa eyambidhidho lya gwana.

Epangelo olyati oondjuhwa dhonyama dha thika poomilion 2.5 odha dhipagwa ,omanga dhoku vala omayi dha thika poomilion 5 dha dhipagwa.

Oshiwike shika,oshikondo shuunamapya osha pitikwa sheete moshilongo omayi nonyama yondjuhwa okuza pondje yoshilongo.