America ohela okwati otaka tetula omakwatho gokomumvo ga Zambia noodola oomilion 50 omolwa shoka a hokolola kutya uufuthi womiti niiyakulithi yopaunamiti mbyoka ya pewa oshilongo.
Omukalelipo shilongo gwa US mo Zambia Michael Gonzalez okwati onkatu ondhigu oyeya sha landula omalondodho ga yooloka kepangelo oku gamenenapo omiti dha simana.
Omiti odha kwatelamo dhoku panga o Malaria,o HIV,no TB.
Onzonkundana yo Africa news oya lopota kutya America mo 2021 okwa dhimbulula kutya omiti niiyakulithi yopaunamiti mbyoka kwali ya gandjwa oshali kaa Zambia otayi landithwapo koo aputeka moshilongo.
Omakonakono goo apuketa dha thika 2 000 mo Zambia pokati ko 2021 no 2023 oga mono kutya etata dhawo otadhi landitha omiti niilongomwa ya gandjwa ko America onga ooshali.
Na America okwati epangelo lya Zambia olya ndopa oku yamukula kokwaahalonga nuuyuki sho lya tseyithilwa oshinima shoka omumvo gwa piti.
Epangelo lya Zambia inali yamukula kosha komipopyo dha America.
The post America ota tetula omakwatho gokomumvo ku Zambia omolwashoka a hokolola kutya uufuthi womiti dhoka dha pewa oshilongo oshali first appeared on Future Media News.
The post America ota tetula omakwatho gokomumvo ku Zambia omolwashoka a hokolola kutya uufuthi womiti dhoka dha pewa oshilongo oshali appeared first on Future Media News.