Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
Oostola mo S.A nena odhati odha taalela ompumbwe yomayi,sha landula etukuko lyoshivu shuudhila,shoka sheetitha opo oostola dhi kale dhaahena omayi uule wiiwike yongaashingeyi. Oostola odha thiminikwa dhi londeke oondando,noku ngambeka omayi mukehe omulandi,sho aalongi nenge aanafaalama yooondjuhwa ya taalela etukuko lyoka lyeetitha ekanitho lyoondjukwa oomilion.
Ehangano lyo MTC olyeekelehi oolopota kutya olya longitha oshimaliwa sha konda poodola oobilion 1.2 okufuta iifuta yopaveta yaatamanekwa moshipotha sho Fishrot. Shika osha landula omafekelo ga ningwa koshilyo shopaalamende mongundu yo LPM Bernadus Swaartbooi,a pula ominista yemona Ipumbu Shiimi megumbo lyopashigwana ohela,kutya oodola oobilion 1.2 odha kuthwa ko Acc yo MTC okufuta iifuta yopaveta yaatamanekwa yoshipotha shuukengeleledhi wo Fishrot. Momushangwa gohela,Tim Ekandjo o MTC Chief Human Capital,Marketing and Corporate affairsa […]
Omupopiliko gondoolopa yaOndangwa Petrina Mutikisha otiindile aakalimo mondoolopa yeya wayimine pethimbo lyoshikonga shokomumvo shokoopaleka, sha thanekwa shi kaleko ongula metitano.
Ominista yuuyuki Yvonne Dausab okwati olili elalakano lyepangelo oku kaleka aaheheli momagumbo gawo mpoka tashi vulika,noku ninga ekutheko lyomagumbo koombaanga etokolo lyahugunina elela. Minister megumbo lyopashigwana ohela okwati shika oshili mooveta dhopashigwana dhuuthemba womuntu dhoka dha talako uuthemba wakehe gumwe okukala nolukalwa luli nawa,mwa kwatelwa omagumbo. Ashike ekotampango lyoshilongo inali gandja paukililo uuthemba womugumbo kohi yo Bill of Rights. Dausab okwali ta popi sho ta popile o High Court Amendement […]
Eyalulo lyomawi lili metifa sha landula omahogololo guupresitend nogopaalamende ohela. Omupresitend eli koshipundi George Weah ngoka ta kongo oshikako oshitiyali okwali a taalela aaulikwahogololwa 19. Ashike shiikwatelela ko BBC okwa tegelela a taalele eshunemo lyomahogololo omwedhi taguya. Okomisi yomahogololo okwa tegelelwa yi tameke tayi tseyitha iizemo yotango nena.
omupresitend Hage Geingob okwa tegelelwa eedhilile mbushe miilonga gwa S.A Cyril Ramaposa ngoka teya komutumba go 3rd Session of the Namibia -South Africa Bi National Commission metitano. Omupresitend Hage Geingob ota kuutumbike omutumba opamwe na Ramaposa. Omutumba otagu ka ikunda iikondo yelongelokumwe ya yooloka ngaashi uuna diplomate,eliko,iinima yopankalathano,o defence negameno. Shika osheya pethimbo sho iipindi pokati ka Namibia na S.A yaadha oodola oobilion 67.1 omumvo gwa piti.
Omupresitend Hage Geingob nena ota talelepo moshitopolwa Erongo. Geingob okweenda pamwe naanambelewa yopombanda mepangelo,nokwa tegelelwa a ka talelepo omahala goopololeka dhoa yooloka dho green Hydrogen ngaashi yo Walvis Bay Port,Oil storage,no Orano Desalination Plant. Pethimbo lyetalelepo,Omupresitend okwa tegelelwa aye moonkundathana naanipambuliko ya yooloka mboka taya kwatele komeho o Namibia Green Industrialisation Agenda.
Omunambelewa gopolosi moshitopolwa shaShana Warrant Officer Frieda Shikole okwati aalumentu yatatu oyiikutha oomwenyo muule womasiku gane ageke ga piti .
Shiikwatelela ko BBC,aaulikwahogololwa yeli 19 oyena etimaumbwile okupingenapo omupresitend eli koshipundi George Weah,ngoka ta kongo oshikako oshitiyali. Aakondjithi ye aanene oyo omupevi presitend omukulu Joseph Boakai,nomunangeshefa Alexander Cummings.
