Ehangano lo WAD nouministy wetanga leameno taukwatele komesho oshongalele pukululo.

August 31, 2023 15

Ehangano loWomen’s Action for Development (WAD) moukumwe nouministry wetanga leameno noipambele yoonakulwa (MODVA) okwa lopotwa taa kwatele komesho oshongalele pukululo shomafiku eli 5 okudja mo (28 Aug – 01 Sept) tashiningilwa moshilando pangelo moWindhok.

Oshongalele otakulopotwa shaetwapo payambidido loshimaliwa okudja kehangano lo Konrad-Adenauer-Stiftung KAS Namibia/ Angola, noshili tashi kufwa ombinga kovanambelwa vefike po 37 okudja moikondo yeameno loshilongo ngaashi NDF, NAMPOL oshoyo NCS.

Elelakano loshongalele ola talika tashi longekida ovanambelewa okudja moikondo yatumbulwa, vaka kwafele yoo vakwao oku kwashilipaleka kutya oveta yoiwana yahangana oyo hayuufanwa UN Security Council Resolution (UNSCR1325) taipula ovakainhu vakufe ombinga moinyangadalwa keshe ngaashi naana ovalumenhu oya kalekwapo shivike pamwe moinakuwanifwa aishe, molwaasho osha kala sha didilikwa kutya meemito dihapu ovakainhu iha vakufa ombinga nomolwaasho paife ovakainhu tava tuwa omukumo noku pewa omapukululo longo opo navo vakale havakufa ombinga moinakuwanifwa aishe yoshilongo.

Oshongalele ota shiningilwa peembelewa dakula do WAD odo tadi hangwa moshilando pangelo mo Windhoek.