Omunyekadhi goshilongo Monica Geingos okwa holola kutya oondjila dhoku hulithapo o AIDS nadhi kale dhishi okwiinekelwa,dhoka dha kwatelamo ekwatho lyoshimaliwa shishi okwiinekwa.
Geingos okwali ta popi moonkundathana dho High-Level Joint United Nations Programme on HIV/AIDS (UNAIDS) kohi yehuku Celebrating Global HIV Progress to End AIDS and Advance Sustainable Development Goals’, komutumba go UNGA metine.
Geingos tati opena oshindji tashi tyapulwa mepondolo lyopauyuni okuhulithapo o AIDS.
Omapondolo ga gwana ogaadhika,mwa kwatelwa etseyitho kehangano lyo United States Agency for International Development (USAID) kutya Namibia okwaadha epondolo oku kondolola ombuto yo HIV,eli mokati kiilongo i 6 ya africa okushi ninga.
Namibia ohuunganeke oo % 70 dhoonzo dhe,okuza moshilongo,nadhimwe hadhizi koshiketha sho US President’s Emergency Plan for AIDS Relief,shoka shili kuume a simana oku kondjitha ehulithepo lyo AIDS.
Oshikonga sho Organisation of African First Ladies against HIV/AIDS sho #WeAreEqual Campaign otashi longithwa onga ompito kaanyekadhi ya Africa ya yele noku popya kombinga yoku pata oomwaka dhuukwaahathikepamwe wuukashikekokantu.
Noshikonga osha tamekithwa nale miilongo ya yooloka ya Africa.