Elelo loshilando sha Windhoek ola tula moilonga ewiliko lovanyasha velineekelelwa oku ka kwatela komesho ewiliko pefimbo lomudo woshimaliwa sho 2024/25 shalandula komahoololo oo aningilwe mu March 2024.
Oo eli Junior Mayor Ginel Goagoseb, adja kofikola yoConcordia College oye takwatele komesho elelo teshingi pamwe na Anchor Hoebeb woko fikola yoko Delta Secondary School eli onga omupedu Mayor.
Pefimbo loshiindingili shetulomoilonga lovanyasha mewiliko lelelo loshilando, oo akala Junior Mayor tafiyepo oshinakuwanifwa shaye Sylvia Shapumba, okwa denga omufindo nghene ali amona omito oku shakena novapombada vafimana vayooloka, omo mwakwatelwa oo eli omukalelipo shilongo wa British mo Namibia Charles Moore, tati okwali yoo a mona omito oku popya novawiliki vayooloka mwakwatelwa omupedu wiliki meumbo lomutumba wopashiwana Loide Kasingo oshoyo omu Ombudsman wa Namibia Mr. Basilius Dyakugha.
Shapumba okwa popya yoo kombinga yolweendo lavo lotete olo laile ko Durban, South Africa opamwe nee councillor dikwao.
Pefimbo ta tambulako oshinakuwanifwa shoilonga shipe , Junior Mayor Goagoseb okwa denga omufindo nghene ewiliko lavo tali ka tala koikumungu ya yooloka omo mwakwatelwa oinyandalwa oyo taitale komashongo akuma ovanyasha ngaashi omukifi wo HIV/AIDS, oku tala keenghendabala doikonga yoku wapaleka oshilando shikale momudingonoko una oukoshoki no wayela, oupyakadi wefimbapalo mokati kovanyasha, omahepeko ounona momaumbo oshoyo oupyakadi wokulikufa eemwenyo oku tumbulapo ashike ishona.
Ewiliko lovanyasha melelo loshilando sha Windhoek, ola tulilwe moilonga oshikando shotete mo 1999, latalika tali longekidile noku upika ovalongwa ovo veli mododo 11, vapewe ounongo wouleli okudja meefikola adishe dili 37 do shitopolwa sha Khomas.
Oshatalika yoo shili omito kovanyasha vakufe ombinga momatokolo noku mona yoo ounongo moinyandalwa yelelo loshilando sha windhoek.
Related Images:
