Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
Opwali omatyapulo mo Khan Younis ongula yonena ,sho oobus dha humbata oonkwatwa omathele dha Palestine dhoka dha mangululwa dha thiki mo Gaza Strip.
Mokati kaamboka ya mangululwa,omathele kwali ya mangwapo mo Gaza omolwa efekelo oku kala yeli aakwiita sha landula oshiponokela shomu 7 October 2023 muumbangalantu wa Israel,noku kala yeedhililwa inaaya tulilwamo iipotha yasha.
Onzonkundana yo Africa news oya lopota kutya oya kwatelamo aalumentu 445,aagundjuka 21,nomukiintu gumwe.
Aa Palestine ya thika 50 oya mangululwa wo noku tuminwa mo West Bank nomuutokelo wa Jerusalem.
Emangululo lyawo olya landula sho ongundu yo Hamas kuyele ya gandja omidhimba ne dhaa isarel kehangano lyomushigakano omutiligane.
Israel okwa kala tuundulile komeho okugandja aanadholongo ya konda 600 okuza olyomakaya,omolwa shoka a hokolola kutya eningo nayi lyoonkwatwa dhe ko Hamas.
Ongundu yo Hamas oya kala noku shekwa,mwa kwatelwa kiigwana ya hangana,okuulika oonkwatwa niiketha yomidhimba yoonkwata komeho yomangungu omanene mo Gaza omanga inaayedhi gandja ku Israel.
Emangululo ndika lyoonkwatwa olya manitha iinakugwanithwa yoombinga dhopaali kohi yoshiluku shotango shompangela yoku egeka iilwitho ndjoka tayi hulu oshiwike shika.
Oshiluku oshitiyali,tashi lalakanene oku hulithapo iita,onkee inaashi yela.
The post Israel a mangulula oonkwatwa dha Palestine first appeared on Future Media News.
The post Israel a mangulula oonkwatwa dha Palestine appeared first on Future Media News.
