Uuministeli wuuhaku nonkalonawa owiindile aantu ya konge omayakulo goku hungwa omwenyo okuyanda omaikuthomwenyo.
Omuhungimwenyo omukuluntu muuministeli moshitopolwa Oshikoto Ruth Shoombe okwiindiile oohandimwe ya konge omayakulo gehungomweyo,sha landula eindjipalo lyomaikuthomwenyo.
Shoombe okwali ta popi no Nampa ohela,okuyamukula keindjipalo lyoonkambadhala dhoku ikutha oomwenyo,nomaikuthomwenyo moshitopolwa nuumvo.
Moshitopolwa Oshikoto,omwa dhidhiliwka oonkambadhala dhoku ikutha oomwenyo dhili 95,nomaikuthomwenyo geli 34 okuza mu Jan-Sept,na Shoombe okwati iipotha oyindji oyili oshizemo shuuyelele waaheli mondjila nenge uupyakadhi wopaihole.
Naamboka ya kambadhala okwiikutha oomwenyo oyena omimvo okuza po 16-70.
Omanga aantu yoomvula dhopokati ko 16-18 haya kambadhala okwiikutha oomwenyo omolwa uupyakadhi woo family.
Shoombe ta tsikileko kutya otaya kwatakanitha aantu noongundu dhomahungomwenyo moshigwana ngaashi yo Londoloka,kohi yongundu yo Roman Catholic ,no Red cross society.
Nohaya gandja wo enongelo moshigwana pakulonga aantu kombinga yomikalo dhoku keelela omaikuthomwenyo.
Related Images:
