Mboma taka kwafela meyambidido loulikwafifo vounona voukadona.

Oshikefa ShoRob Youth Foundation,  opamwe nenyakwa lokulotoka la Namibia moudano woTokyo 2020  Olympics silver medalist Christine Mboma, onghela okwa lopotwa va saina omukanda udafano twokumwe uli mouwa weyambidido loulikwafifo vounona voukadona.

Omukanda oo watuminwa oikundaneki onghela okudja kwao eli omukokoli nokuli manigera wo Rob Youth Foundation, Robert Maseka owati , omukanda udafano twokumwe oo watulwapo, ota upitike opo oshikefa sheyambidido lovayasha shikakale noku monako  ouwa wee 10% koilandomwa keshe yoilimbo ya Mboma, noimaliwa aayo ota ika yandjwa koshikefa opo ika longifwe moku landa oulikwafifo vounona voukadona meefikola.

Maseka taulike olupandu laye ku Mboma,  eshi ine likwata mokuyandja eyambidido pefimbo loku shakena kwavo oshikando shotete.

Christine Mboma, eli omukokoli wehangano loidjalomwa lo “Mboma Streetwear’’  okwati,  ehangano laye olili lambilipalelwa okuya moukumwe noRob Youth Foundation, okuyandja ekwafo lee  10%  moyuuyemo keshe oyo taika landwa okudja moidjalomwa oyo taika kwafela oshinyangadalwa shoulikwafifo vounona voukadona.

Oshikefa sho Rob Youth,  osha talika tashi lalakanene oku nghonopeka noku yambidida ounona voukadona vadule oku mona omakwafelo oulikwafifo vokomafimbo, osho tashi yandje ekanghameno loufemba wavo noku kala yoo vena omukumo okuya kofikola.

Rob Youth Foundation  okwati okuna elineekelo loku ongela oshimaliwa opo lidule oku twikila nokuyandja omayambidido oulikwafifo monakwiiwa.

Related Images: