Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
Minister woundjolowele nonghalo nawa yoshiwana Esperance Luvindao, okwati epangelo la Namibia ota litwikile noku yambidida omakwafo ouhaku mekondjifo loudu wombuto yo HIV, pefimbo oshilongo sha taalela omashongo eyambidido okudja pondje.
Minister edi okwe di popya onghela pefimbo ali ta yandje eyambidido laye ko mutengenekwafaneko woshimaliwa sha pewa oministry waye sho 2025/2026.
Okwati Namibia ota twikile neenghendabala odo dakalapo nale moku kondjifa omukifi wo HIV/AIDS.
Minister tapopi kutya oshilongo oshili pokufika efindano lomafaneko atulwapo kehangano loiwana yahangana, olo tali lalakanene efikilo 95-95-95 pamwe nee 93 percent dovanhu vaningwa oihakanwa youdu wombuto yo HIV, ovo vena eshiivo laapo vafikama no mbuto noveli tava mono epango lomiti doku xwopopaleka oudu wombuto yo HIV, tati 98 percent daavo veli kepango paife oveli ponghatu yoku ha tandavelifa ombuto.
Okwati nonande exulifepo lomakwafo eyambidido ounamiti okudja kepangelo la US lili la kuma oshilongo nota leetififa omalimbililo, okwe shiyelifa kutya epangelo la Namibia ola kala noku landa omiti odo okudja mo 2016 nota litwikile noku shininga natango.
Namibia, oshilongo osho tashi hangwa ouhapu wovanhu vefike pee 3.1 million okuli oshilongo sha talika tashi dana onghandangala yafimana moku nyamukula keenghendabala dekelelo lomukifi wo HIV nonande oshilongo sha taalela eshonopalo leedjo dapumbiwa.
The post Namibia ota twikile noku yambidida omakwafo ouhaku omiti do HIV/AIDS first appeared on Future Media News.
The post Namibia ota twikile noku yambidida omakwafo ouhaku omiti do HIV/AIDS appeared first on Future Media News.
