Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
OMutivali president wongudu yo Swapo , Netumbo Nandi-Ndaitwah, okwa twa omukumo oshiwana sha Namibia shitule omapungulo aasho moshikondo shounamapya opo shiye moshipala onghalo yokuhena oilonga yadidilikwa ili pombada mokati kovanyasha nokushunifa yoo pedu oluhepo moshilongo.
Nandi-Ndaitwah edi okwa li tedi popile poshongalele shongudu yo Swapo ko Nkurenkuru moshitopolwa shaKavango West olomakaya, shili eenghendabala doku lilongekidila omahoololo oupresident noilyo yomutumba wopashiwana momudo wataalela.
Oshongalele ota kulopotwa shali shakufwa ombinga kovayambididi omafale nomafele okudja moukololo vayooloka voshilongo.
Moshipopiwa shaye omutivali president wongudu okwati, oshilongo osha taalela omashongo manene okuhena oilonga osho sha etififa onghalo yoluhepo tati ongudu yo Swapo, oili yalokomena omesho okweetapo elunduluko moshikondo shounamapya, eeshi, oikwamina oshoyo moshikondo shomatalelepo.
Okwati omapungulo mounamapya mokweetapo oilikolomwa oo ashike omukalo woku xumifa komesho oshilongo, nomolwaasho tati epangelo ola etapo omukalo woku yandja omambakumbaku koitopolwa akalongifwa pefimbo lomuloka tauka hovela, nomolwaasho apula opo oshiwana shilitulemo moilikolomwa younamapya.
Okwayandja yoo oshihopanenwa sheeprojeka ngaashi Musese na Sikondo nghene dina eemito okweetapo elunduluko meenghalamwenyo doshiwana.
Tadimbulukifa nghene eeprojeka aado atumbula , dali da dana onghandangala yakula mokuyandja ekwafo loikulya yoshikukuta omudo wonumba oshilongo shali moupyakadi woshikukuta.
Okwati ongudu yo Swapo oina omafaneko opo ishune koshikondo shounamapya mwokweetapo eendja moshilongo tashipitile meeprojeka dounamapya ngaashi moshitopolwa sha Kavango West no East oshoyo moitopolwa ikwao yoshilongo.
