Netumbo Nandi-Ndaitwah, okwati ita popile oulingilingi.

Omutivali president wongudu yo  Swapo , Netumbo Nandi-Ndaitwah okwati,  onghalo yokulunga noku litapula  oili tayii moshipala omayambidido anuninwa oshiwana,  nokweetififa oiwana imwepo ikwatwe komepo yoku umbako omapangelo.

Nandi-Ndaitwah edi okwa li tedipoopile poshongalele shongudu yo Swapo olomakaya koKeetmanshoop,  nokwaulika ita yambidida nande okashona onghalo youlingilingi ipule komesho moNamibia.

Okwatwa omukumo ovanailonga mepangelo ovo vena oinakuwanifwa moikondo yayooloka vatule komesho ouwa woshiwana shova Namibia,  osho tati  otava pumbwa okushininga momepo youshili noili pauyuuki.

Okwati omepo youlingilingi oili omutondi akula komayambulepo oshilongo,  nomolwaasho okwapula ikale yadudwamo moshilongo.

Nandi-Ndaitwah taulike nghene pena omumbwe opo kufitikwe omwaka oo tauhangwa pokati kovakwanaluhepo novayamba paife,  tati ongushu yeendjo doshilongo otai pumbwa okutukulwa nawa opo keshe omuNamibia adule okulyakosha.

Okwati aishe ota idulu ashike okufindika ngeenge oshiwana tashikala shina oufemba woUmwene weliko loshilongo shao vene.

Nandi-Ndaitwah,  okwatwa yoo omukumo ovadali vakaleke ounona vavo meefikola opo veke shipondole okumona eemito doilonga  moikondo oyo opo taiholokapo moshilongo ngaashi oshikondo shomahooli,  omuku wogas oshoyo green hydrogen.

Okwadenga omufindo nghene oshiwana shokomongula shili eedjo dakula donakwiiwa tati efimbo olafikana opo oshikondo shelongo shikufweko nelitulemo opo kulikolwe omashiivo nomaunongo taapumbiwa moikondo opo taindulukwapo.