O Dundee ya tungu endiki lyiiyekelwahi moshitopolwa Oshikoto

O Dundee Precious Metals Tsumeb oya pungula oodola oomilion dha konda 15 okutamekitha endiki lyotango lyoludhi ndoka lyo General Waste Management facility moshitopolwa Oshikoto,tali tala unene koku topola noku yoolola iiyekelwahi okushopeka iiyekelwahi ketoto lyiiyekelwahi.

Momushangwa gomandaaha,ehangano olyati endiki olya ziminwa ku Enviromental Commissioner of Namibia,nolya tungwa pandondo ya SA.

Endiki otali lalakanene oku keelela iiyekelwahi  yimwe yaahaye ketoto,noyi longithwe mpoka tashi vulika.

IIyekelwahi tayi gongelwa omwa kwatelwa iipakete,oombaapila,oondooha,iikwatelwa yoo plastic,noondjato dhoo plastics.

Niiyekelwahi yomomagumbo oyo ashike tayi ekelwahi kendiki.

Moshipopiwa she,Enviromental Commissioner Timoteus Mufeti okwa tumbaleke eitulemo lyewiliko lyo Dundee mokuungaunga niiyekelwahi moshitopolwa.

Tati omahangano galwe unene ngoka taga longele moshikondo shoomina,naga kutheko oshiholelwa,oku gamena omudhingoloko,noku kutha wo ombinga muukalinawa waakalimo.