Opolisi yoshilongo palongelokumwe noombushe miilonga ya Angola oyeshi pondola okumona ohauto yo Toyota Corolla ndjoka ya yakwa uusiku wetitano kOndangwa.
Omunambelewa enasha niipambele yoshigwana mopolisi yoshilongo moshitopolwa Oshana Chief Inspector Frieda Shikole,ohauto,yina ongushu yoodola 40 000 oya yakwa mo Exten 6 kOmwandi mOndangwa,noyaadhika muumbalantu wa Angola ohela.
Okwa hokololwa mwene gosheenditho,Ndjoba Hans Ndatipohamba 34,a parking ohauto ye pegumbo uusiku wetitano,ashike ineyi adha po ongula sho kwa shi.
Tati okwaadhapo oompadhi ,shoka tashi ulike kutya aafekelwa yaali oyuundulamo ohauto molugumbo,nokuyi hingapo.
Omakonakono gopolisi otaga tsikile.