Okwaahena iilonga kakuli ashike muuministeli welongo lyopevi:Otto Imbulwa

Uuministeli welongo lyopevi,owati oshikumungu ashihe shekuto lyaalongiskola oshili kohi ya prime minister onga omugandji gwiilonga,pathindilemo lyo Public Service Commission.
Shika oshiikwatelela komunambelewa kuluntu muuministeli welongo lyopevi Knox Otto Imbulwa okuyamukula kaalongiskola mboka yaahena iilonga miitopolwa iyali ya Kavango,mboka taya pula ya kutilwe miilonga meendelelo.
Aalongiskola mboka yaahena iilonga otaya pula wo opo omapulapulo ga kuthwepo,nuuministeli wu tunge oonguluskola odhindji omanga omumvo shimaliwa nguka inaagu poka,noya mbandameke wo okupata oombelewa dhelongo moshitopolwa ngele omakemo gawo inaga yamukulwa muule womasiku 14 giilonga.
Imbulwa tati oya simaneka omaivo gawo ngele tashiya koompito dhilonga mepangelo,neshongo lyokwaahena iilonga olili kehe pamwe,nepangelo olili uupathi washo,ashike kashishi ashike muuministeli welongo amuke.

Related Images: