Ewiliko longeleka ya Catholic mounyuni mo Vatican ola yandja elombwelo kutya ota lika hovela noku hoolola oo ena okuninga omu Pope mupe wongeleka mo unyuni osho tashi hovele mongula mo 07 May.
Eelopota odati omahoololo omupapa otaa ningwa konima yomivelo dapwatwa, osho tashiningilwa mo Vatican’s Sistine Chapel.
Ehoololo oku hoolola omupapa mupe ola kwatelamo ovakufimbinga vefike 133, vadja moilyolongo ya yooloka younyuni, ovo tava ka hoolola meholeko oku pitila momalweefo eli pa 4 mefiku, fiyo osheshi oo amonamo omawi mahapu okuninga omupapa ayambukamo nefindano lo mawi akalelapo two-thirds majority.
Mokati kaavo tava ka kufa ombinga vefike 133, oku hoolola omupapa mupe omwa kwatelwa ovakufimbinga veli 18, vadja moilyolongo ya Africa ovo 12 vomuvo vaulikilwe ku Pope Francis okudja mo College of Cardinals.
Ovakufimbinga ovadja moilyolongo ili 17 yenenedu la Africa, mwa kwatelwa Archbishop wa South Africa Stephen Brislin.
Olopota oya ulika yoo kutya, mokati kovakufimbinga ovo vadja moilyolongo yenenedu ota vaulike va kalelapo ee 13,3%.
The post Omahoololo oku hoolola omu Pope mupe wongeleka ya Catholic otaa hovele mongula first appeared on Future Media News.
The post Omahoololo oku hoolola omu Pope mupe wongeleka ya Catholic otaa hovele mongula appeared first on Future Media News.