Omunashipundi welelo lomukunda wa Tsandi, okwa pula ovapunguli valongife omito yedu no mangeshefelo momudingonoko.
Edi omunashipundi Selma Khadhila, okwe dipopya onghela pefimbo leenghundafana odo ali mudo noshikundaneki sho Nampa pomaulikilo oipindi okomudo elelo lomukunda wa Tsandi.
Okwati elelo lomukunda ola taalela omashongo ayooloka omo mwakwatelwa ngaashi oikondo yeembanga, omandiki ouhaku opaumwene oshoyo omumbwe yeenele doku yakulila ovaenda.
Okwatwa omukumo ovanangeshefa valongife omito oyo omanga elelelo lomukunda lina eenele dedu opo tava dulu okutunga omandiki omayakulo oshiwana.
Okwati mopaife melelo lomukunda ota muhangwa ashike eefitola dili 3 nonande lina omuvalu wovakalimo udulife po 8 000
Okwapula nokutwa omukumo oshiwana shiye momuvalu uli pombada moku kayambaida omaulikilo oipindi, oo tati otakakala pamwe nomalihafifo mahapu.
Omaulikilo okwa teelelika ayeululwe pambelewa nena komuprima woshilongo meme Saara Kuugongelwa-Amadhila, notaaxulile metitano.