Ompangu yiigwana ya hangana oya hala Felicein Kabuga a mangululwe.

Iigwana ya hangana oyiindiile opo omufekelwa momadhipago gakwaanoohenda mo Rwanda Felicien Kabuga a mangululwe meendelelo,niimbuluma yopaita mbyoka a tulilwamo yi ekelwehi.

Mu June ,aatamaneki kompangu yiigwanaya hanagana yiimbuluma yiita  oya tokola kutya Kabuga ita vulu okutamanekwa molwaashoka ota nyengwa okudhimbulukwa,noya thaneke omikalo dhilwe.

Ngaashingeyi aatamaneki yokuninga omaindilo talululo giipotha,oyeekelehi ethaneko ndyoka.

Tayati,ompangu oya ninga epuko lyoveta mu June ,okutokola kutya Kabuga na tamanekwe,okupitila momukalo tamaneko omupu,okutala kuundjolowele we.

Shiikwatelela ko BBC,ngaashingeyi ompangu oya pewa elombwelo opo yi tale koku mu mangulula.

Omunamimvo 80 lwaampoka,omunangeshefa,nokwali mwene go Radio,okwali gumwe gomaafekelwa yahugunina taya kongwa kompangu ndjoka tayi konakona noku tamaneka iimbuluma ya longwa pethimbo lyomadhipago gaakwaanohenda mo Rwanda mo 1994,ngoka ga faalela oomwenyo dhaantu ya konda 800 000 muule womasiku 100.

Nota pewa ombedhi okutaandeleka uutondwe okupitila mo radio ye,noku hwahwameka aadhipagi mboka ya dhipaga aantu ya konda 800 000 momasiku 100.

A mangelwa mo Paris mo 2020,Kabuga okwati kena ondjo.