Omukuluntu gweyandjaganeko lyomeya gokuushayi nuuyogoki moshitopolwa Oshikoto,muuministeli wuunamapya,omeya nomatulululo gomavi Stevenson Tuukondjele okwa tsu omukumo aakalimo yomiikandjohololo mo Oshikoto ya kalekepo omithima onga omukalo gulwe kompumbwe yomeya.
Tuukondjele moonkundathana no Nampa metitatu okwati opena ompumbwe yomeya miitopolwa yimwe moshikandjohogololo sha Omuthiya,Eegodi,Okankalo,na Nehale.
Tati iikandjohogololo oya gumwa keandjaganeko lyomeya okuza mokanala ka Calueqeke mo Angola.
Nepangelo olyiipyakidhila okulonga o canal hoka,opo ka tameke okupungula omeya ogendji,okugwanithapo ompumbwe yomeya unene pethimbo ndika lyomumvo.
Ashike Tuukondjele keshi naa kutya omukundu gomeya otagu ka potokolwa uunake,tati oshikumungu otashi vulika shi kwate olule,molwaashoka ominino odhina okuudhithwa manga opo dhi thike kiikandjohogololo mbyoka.
Nopakathimbo aakalimo otaya tsuwa omukumo ya kalekepo omithima onga oonzo dhilwe dhomeya,naantu naya dhinde nenge ya fulukithe omeya nenge ya longithe oopela dhomeya dhoka haya pewa okuza kuuministeli wuuhaku.
Omanga uuministeli tau kambadhala wo oku mona oololi dhoka tadhi fala omeya kooskola nokuu pangelogona,ashike oshikumungu shoka oshina ondilo,mo miikandjohololo yimwe kamuna ondjila dhili nawa.
Related Images:
