Omufeekelwa eli ohonda kadona ya Sheehama amangwapo ko polifi.

Opolice moshitopolwa eRongo,  oyati oyatula moipandeko omukainhu womido 27 Jessica Gae,  atalika eli omufeekelwa omu 6 medipao nekanepo la Matheus Sheehama komudingonoko wa Walvis Bay.

Gaes, ota lopotwa akala mekwatafano lopaihole na Sheehama omunamido 24,  oo takutiwa okwali omwiihongi koshiputudilo shelongo lopombada sho Unam.

Onghela pefimbo aholoka komesho yamangu ya Magistrate wa Walvis Bay,  inapewa omito yokulifutilamo noshibofa shaye osha undulilwa ko 22 August 2024.

Gaes, okwa taalela omatamaneko edipao, oku kwatapo ombabjona oshoyo okuya eenghendabala douyuuki moshipala shinasha nedipao la Sheehama.

Ovafeekelwa vakwao moshinima veli 5 voo ovaholoka nale komesho yamangu noku taalela omatamaneko eponokelo, edipao oshoyo oku kwatapo ombabjona nakufya Sheehama.

Sheehama okwa kala ehewetike oule woshivike,  osho shafininika oshiwana nova pambele vayandje elombwelo kopolifi opo ohondakadona yanakufya nayo ikale yamangwapo.

Sheehama okwe lixulile okumonika konima eshi takutiwa okwali aponokelelwa peyofolombelela,  olo lali laningilwa ponele yeumbo lokakadona kaye omwedi wadileko no lutu laye ole kelituwa ponele yomukunghulofuta wa Walvis Bay metivali.