Omulumenhu womido 40 akala ateelela epangulo laye okwa lopotwa elimangeleka pefimbo eli metonatelo lopolifi ya Windhoek
Nakufya okwa tongololwa nedina kutya oye , Sidney Skrywer.
Oo eli omupopiliko wopolifi moshilongo , Deputy Commissioner Kauna Shikwambi okwati, nakufya pefimbo loshiningwanima okwali ateelela oku twalwa komangu opo aka taalele epwilikino laye shinasha nedipo oshoyo ehepeko lokolutu olo akala ataalela.
Shikwambi okwati nakufya okwali apula aye kokanduda koku likwafelela ngeenge oushitwe tawiifana, nokonima yokafimbo eshi ovanambelewa vamona akalako, ovayako kokanduda oko vemuhanga elimangelekela meembuli dokanduda koku likwafelela , alongifa eemwiya deenghaku daye.
Kapena oo tapewa oushima moshiningwanima
noinafiyapo okanumwafo kasha.
Ovapambele vanakufya ova shiivifilwa nomakonaakono opolifi moshinima otaapula komesho.