OmuPresident Dr Nangolo Mbumba apopifa ova pambele voo naku pila moshiponga sho mundilo koKuisebmund

June 10, 2024 41 1

OmuPresident Dr Nangolo Mbumba metitano okwa ka popifile keumbo la na kufya Lineekela Nangula Ndeunyena oo kwa lopotelwe va xulifila moshiponga sho mundilo opamwe no kamona kadona kedina, Ndevaama Linea Kombada, moKuisebmund oshivike sha djako.

Oshiningwanima sho shiponga sho mundilo ota kulopotwa sha holokele etitatu la dileko lo 5 June 2024 mo mudingonoko wa Kuisebmund mo Walvis Bay, noku twaa lelwa omwenyo wa Lineekela Nangula Ndeunyena (38) opamwe no kamona kadona, Ndevaama Kombada (16).

Olopota oyati efiku lo shiningwanima oubasu veli 6 ova li va ha lakanifwapo ko mundilo, omanga omakende eumbo opo pa dengelwa oubasu nao afiwa ahalakana.

Oo eli omupopiliko wo polifi moshitopolwa shErongo inspector Ileni Shapumba, okwati , omundilo owa di lila mo kabasu koo nakuningwa oihakanwa yefyo, noku ta nda vela koubasu va kwao.

Pefimbo omupresident, Mbumba aka popifa keumbo loo nakufya, okwa yandja omahekeleko aye ko va pambele oshoyo ko shiwana ashishe sha Kuisebmond.