Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
OmuPresident Dr Nangolo Mbumba, oshivike shadjako okwa shakena novaleli vomufyuululwakalo koshitopolwa sha Kunene.
Omutwe woshilongo pefimbo leshakeno laye novawiliki vomufyuululwakalo komudingonoko oko, okwa lopotwa velikunda noku tala koikumungu ya yooloka yapamba oshiwana omo mwakwatelwa omalipumo mumwe pokati kovakwashiwana noifitukuti, onghalo yoshikukuta, omayambulepo oshoyo etendululo leengaba.
Etalelepo lomuleli wa Namibia ola talika lili oshikando shotete komudingonoko oko pamwe novawiliki vomufyuululwakalo okudja nghene elineekelelelwe oshinakuwanifwa shoku kwatela komesho oshilongo.
President Mbumba, talongifa omito oku pupula kombuda ovaleli vomufyuuululwakalo eshi tava longo nelitulemo moku kwatela komesho oshiwana.
Okwa dimina yoo nghene euditeko onghalo ya etififwa koshikukuta momudingonoko, tati epangelo la Namibia, olelitulamo moku tala keenghendabala odo tadipumbiwa moku yandja omakwafelo koshiwana osho sha kwatelamo oikulya yoshikukuta koshiwana, omeva oshoyo okuyambida ovanafalama pefimbo eli onghalo yanaipala.
President Mbumba, teshiyelifa nghene elitulamo okumona padikwa eenghendala delongelo kumwe, odo tati ota dilalakanene eyokomesho noku kandulapo omaupyakadi ataalela oshiwana shoshitopolwa sha Kunene.
