Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
Ovanhu veli 29 okwa lopotwa va xulifa omanga vedulife po 850,000 vatembukamo meenele davo shalandula komuloka wepola wa didilikwa moshilongo Somalia.
Oshikondo shinasha nomakwafelo opaulumo mumbwe moshilongo osho (SoDMA), oshati kakele kovanhu 29 ovo vaxulifa , ovanhu vahapu ova fiwa yoo vaehamekwa, omayambulepo okwa tekapo noku kuma omuvalu wovanhu vefike po 850,000.
Ehangano ola kunghilila oshiwana osho shili natango meenele dili moshiponga shikale shadjamo diva eshi omuloka tautwikile nomilonga tadi panuka.
Oshikondo shoikulya nounamapya mehangano loiwana yahangana osha kunghilila kutya, omuvalu wovanhu vefike pee million 1.2 ota shidulika vakakale veli monghalo yomumbwe yeendja.
Oshikondo oshati oshili metifa loku yandja omakwafelo kovanhu vefike po 2400 vafitikininwa meenele domeva moshitopolwa shoumbuwanhu woshilongo.
Onghalo yefudja oya talika yaweda komukundu ukwao, eshi omuvalu wovanhu vedulife pee million 3.7 vakala veli nale monghalo yondjala yomutoko, nomuvalu oo okuniwe oumbada ukakale wafikama povanhu ee million 4.3 okufika momwedi wa December ngeenge omuloka ina sheka.
