Ongudu yo UDF taipula opo nakufya Simson Tjongarero, akale aningilwa efudiko lo papangelo

Ongudu yo  UDF oya pula opo oshilyo shayo shikulukulu Simson Tjongarero, akale aningilwa efudiko lo pa pangelo omolwo oilongapondoli oyo atalika aetelepo mekondjelomanguluko loshilongo oshoyo oku yandja omayakulo koshiwana.

Hamushanga wongudu yo UDF  Daniel Tsaneb, okwati ongudu yavo oya konghola peembelewa depangelo tava pula opo Tjongarero, akale atulwa koshivalo shoku ningilwa efudiko lo pa pangelo, omolwo eyakulo olo ayandjele moshiwana.

Tjongarero ota ku lopotwa ali ngoloneya woshitopolwa sha Kunene oule woikakofimbo ili 2 no kwali yoo oshilyo sheumbo lo mutumba wo pashiwana okudja mo 2010 fiyo 2015.

Lwopokati opo ombelewa yo mupresident oya shiivifa ya ya kula eindilo noya  yelifa ta ika kala ya yandja eliudo layo moshinima.

Ongudu yo UDF oyati Tjongarero  ota ka fudikwa mo 22 November komudingonoko wa Okombahe, oko ta ku tiwa oko  kwa holekwa eehamba oshoyo omalenga ahapu ova popi voshi Damara.

Tsaneb okwa hokolola nakufya Tjongarero ali nakulwa wekondjelomanguluko no ye  ali omukokoli wongudu yo UDF, temu hokolola nghene adana onghandangala ya fimana mongudu yo UDF oshoyo meyokomesho lo politika ya Namibia.

UDF oya yandja omahekeleko komufiyekadi waTjongarero, oludalo no va pambele aveshe.

Tjongarero okwa xulifa mepopi lomido  83, konima yo u yehame wefimbo lixupi.

Okwa fiyako omukulukadi waye, ounona 16 no utekulu 44.

The post Ongudu yo UDF taipula opo nakufya Simson Tjongarero,akale aningilwa efudiko lo papangelo appeared first on Future Media News.