Kamusela goshikandjohogololo sha Moses Garoeb Stafanus Ndengu okwa holola olupandu koopololeka dhomayambulepo dhoka dhili metifa moshikandjohogololo she,dhoka ati otadhi ka eta omayambulepo gopaliko nkalathano ngoka ga pumbiwa unene.
Ndengu okwati ooopololeka dhika odha kwatelamo ngaashi oku opaleka ondjila nenge opate ya Peter Nanyemba yi ninge o dual carriageway okunawapaleka einyengo lyiiyenditho, noku pupaleka eudhano lyiiyenditho mondjla ndjoka.
Opololeka yoodola oomilion 381 oyili oshitopolwa sho Ongos Valley Development.
Ndengu tati oshikandjohogololo oshina oopololeka dhili 3,moka 2 dhili dhokutunga oondjila.
Ondjila ya Peter Nanyemba,ndjoka ya kwatakanitha ondolopa ya Ongos Valley,otayi kwata oomvula 2 yi manithwe,noyili opololeka onene ndjoka ya gandja oompito dhiilonga kaa Namibia,
Ndengu tati wo oyena opololeka ndjoka ya kala yili pevi uulethimbo:ondjila okuza kokapangelogona ka Hakahana okuya kombelewa yoshikandjohogololo mo Havana,noya gandja wo oompito dhiilonga koyendji moshikandjohogololo.
Omanga opololeka yokutunga o sekundoskola ya Abraham Iyambo nayo ya tameka.
Oskola ndjoka kwa tegelelwa yi kale noonguluskola 22 otayi tungwa miiluku iyali:tayi tameke noprima skola,taku landula osekundoskola.
Related Images:
