Oshikondo shinasha neameno mehangano loiwana yahangana onghela osha pitika opo elongifo lovakalekipo vombili moushilo wa Democratic Republic of Congo, vapewe omayambidido opautekinika opo vadule oku kondjifa ee rebel.
Otaku lopotwa omatanga ehangano loilyolongo youmbuwanhu wa Africa SAMIDRC, aa ndjakanekelwa moshitopolwa sho nooli ya Kivu, opo akwafele omatanga eameno loshilongo DRC moku lwifa noku kondjifa ongudu yee rebel do (M23) odo taku lopotwa da kufako etonatelo leenele da yooloka moshitopolwa okudja mo 2021.
Eelopota doikundaneki odati oshitokolifo osho sha tulwa moilonga monanguwi onghela, osha talika sha pitika opo ehangano loiwana yahangna liyandje omayambidido komatanga etumo oo li mo DRC.
Oshitokolifo osha talika yoo shili sha dimina opo kukale kwa tulwapo eenghudafana odo tadi eta etwokumwe leyeeko loilwifo kwafanekwa likakale la shainwa mo 30 July 2024, osho tashi kaningwa pokati koshilongo DRC na Rwanda, opo kweetwepo ombili.
Mo Sondaxa mefiku omo kwali kwa fanekwa ngeno kukale kwa tulwapo elombwelo loku yeeka oilwifo, ota kulopotwa ongudu yee rebele do M23 yakufako oshitopolwa tashihangwa komudingonoko wapalafana eengaba noshilongo UGANDA shili moshitopolwa sha North Kivu.
Oshitopolwa sho ushilo wa DRC ota kulopotwa tashi hangwa ouyamba weemina oshoyo eendjo dikwao nosha kala momakuyunguto opashiwna moule womido didulife po 30.
Related Images:
