Ovaleli voilyolongo ya Africa va yooloka ota veya kefudiko lomukokoli Nujoma

Minister yomauyelele no makwatafano opautechnolgy, Emma Theofelus onghela okwa yandja elombwelo kutya omitwe doilyolongo da yooloka oda koleka tadiuya oku kala poshivilo fudiko shomukokoli  President Sam Nujoma.

Okwati mokati kaavo ta vekeuya moshilongo omwa kwatelwa omupresident wa Angola, South Africa, Zimbabwe, na Ghana.

Okwati ovafimanekwa vadja koilyolongo ngaashi Mozambique, Malawi, Tanzania, Finland, Cuba, oshoyo ko Sahrawi Arab Democratic Republic  navo ova koleka yoo tava ka kala peholeko lomukokoli president

Theofelus edi okwe dipopya pefimbo ali tayandje ouyelele wopefimbo unasha no malongekido eholeko lomukokoli osho eshingila pendiki lomauyelele lepangelo mo Windhoek.

Okwati natango onghee tuu tava twikile noku yakula ouyelele wa wedwapo kombinga yo vanenenhu ovo taveuya oku kala poshivilo fudiko shomukokoli.

Okwati pefimbo eli omalongekido aeshe okuliwe nao metifa osho sha kwatelamo etutumbo lovanhu okudja momudingonoko woshitopolwa sha Khomas ovo tava kakufa   ombinga poshivilofudiko shomukokoli tati eenele odo tapuka pitulwa ovanhu  otadi kashiivifwa.

Theofelus tayelifa kutya omalongekido ee programmes  adishe dopambelewa dinasha no shivilodimbuluko sho pambelewa oshoyo efudiko oda manifwa nale noku diminwa kepangelo oshoyo kovapambele va Nujoma

Okwati onele yeumbo laxuuninwa yaapo pena oku holekwa omukokoli nayo oya longekidwa nale nounyangadalwa aavo va xupako oveliwe navo mo malongekido oku manifwa osho tati ota shiningwa mekwatafano nova pambele   vomukokoli.

The post Ovaleli voilyolongo ya Africa va yooloka ota veya kefudiko lomukokoli Nujoma first appeared on Future Media News.

The post Ovaleli voilyolongo ya Africa va yooloka ota veya kefudiko lomukokoli Nujoma appeared first on Future Media News.

Related Images: