Omudongokononi moikwaliko yoshilongo Joseph Kefas Sheehama okwati, onghalo yondado yomahooli tailondo , oshinima tasheeta omalimbililo konghalo youxupilo yovaNamibia oyo ili nale moshiponga.
Sheehama edi okwe dipopya momukada oo atumina odjo nghundana yetu oshivike eeshi, elikwatelela kelombwelo layandjwa kouminsity weemina noikwanghono kombinga yondado yomahooli yalondekwa okudja metitatu.
Okwati onghalo yovaNamibia oili moupyakadi wouxupilo, eshi eendado doilandomwa noyeendifo tashi dulika dikalondekwe osho tati osha etififwa kelondeko lilipombada lendoloma lomahooli mounyuni, omolwo upyakadi woita uli pokati ka Russia na Ukraine, oshoyo ovayandji vomahooli ovo tava londeke omahooli shii pombada, molwaasho ovalandi vomahooli ovaninga vahapu.
Nande ongaho omudongokononi okwa ulika elineekelo laye monghalo taidulu oku kaxwopopala moshilongo ngeenge oprojeka yomahooli oyo yamonika moshilongo oya katulwa moilonga, ashike okwe shiyelifa nokudenga omufindo kutya, ita shikaningwa meni lefimbo lixupi eshi oshilongo shihena oiyakulifo yasho vene yeliwanapo.
Related Images:
