President Cyril Ramaphosa okwati ovatilyane vafiyapo oshilongo okuya ko US ovanyika ouvaya

President Cyril Ramaphosa okwati ovakwashiwana ovatilyane vefike po 59 ovo vadjamo moshilongo noku ka konga ouholameno ko US, ota vakondjo nouvaya tati ovena okwaluka.

Ongudu yo vakwashiwana ovatilyane velaka loshimbulu ota kulopotwa vafika mo US omandaxa konima eshi omu President Donald Trump, evapa omito onga eenauki dakala da taalela onghalo yo katongo tongo koshipa mo SA.

Nande ongaho omupresident Ramaphosa okwati ovo vaninga etokolo lo kufiyapo oshilongo ovovo ina va hafela eenghendabala do ku potokonona onghalo yoku hena oufike pamwe moshikumungu shedu, onghalo  oyo ya etififilwe komukolonyeki monakudiwa.

Okwati voo onga ova South Africa,  ove lilongekida oku liyambulapo tati voo ihava fadukapo omaupyakadi eva taalela,  ndee ovena oku kala moshilongo noku tala komakandulepo omikundu oo evataalela tati ovo vafadukapo onghalo okweva hokolola tava kondjo no uvaya.

Omupresident Trump opamwe nehewa laye oshipuna shili odalele ya South Africa Elon Musk, ota kulopotwa va popya kutya, ovanafalama voshiwana shova tilyane mo South Africa ota va ningilwa omadipao anghina nghenda.

Ova yadja yoo oushima kepangelo la South Africa, kutya ola nyekako edu lo vanafalama ovatilyane veshininga ina ve vapa ofuto yasha.

Elopota odati konima yomido didulife po 30 demanguluko,  edu lihapu onghee la kala lili momake ovatilyane, ovo veli momuvalu ushona moshilongo, omanga ovanafalama ovalaule vehena edu nande tava hangwa momuvalu uhapu osho sha etififa ku kale kwaningwa elunduluko.

Nande ongaho epangelo la SA, olati fiyo opapa kapena omukwashiwana omutilyane akufwa edu.

The post President Cyril Ramaphosa okwati ovatilyane vafiyapo oshilongo okuya ko US ovanyika ouvaya first appeared on Future Media News.

The post President Cyril Ramaphosa okwati ovatilyane vafiyapo oshilongo okuya ko US ovanyika ouvaya appeared first on Future Media News.

Related Images: