President Geingob tapula oita ixulifwepo mo Islael na Palestine.

OmuPresident Hage  Geingob okwa yandja etumwalaka aalo tali pula opo kukale kwaxulifwapo oita yatwaalela eemwenyo dovakwashiwana vehena ondjo pokati ka   Israel and Palestine.

Omutwe woshilongo etumwalaka olo apitifila oikundaneki olomakaya , okwa ulika alimbililwa konghalo idjuu tainingilwa ovakwashiwana monooli yoshitopolwa sha Gaza,  konima eshi omatanga opakwaita epangelo laIsraeli  aponokela oshitopolwa noku twaalelifa eemwenyo dovakwashiwana omo mwakwatelwa ounona novakainhu oshoyo oku halakanifapo omayambulepo ngaashi oipangelo neefikola.

Omutwe woshilongo tauyelifa nghene momido dakadilongela ova Namibia vali vadipaelelwa

momalwoodi manene,  oo ali akwatelwa komesho ketanga lomukolonyeki la Germay .

Okwati Namibia onga oshilongo osho shina ondjokonona yomadipao ali aningilwa oshiwana komatanga oukolony,  okuli tapula opo oilyo longo mounyuni ilidopemo moku xulifapo oita  moshitopolwa sha Gaza.

Okwati omalombwelo oo atulilwapo ovanhu va Gaza kuIsrael oku djamo momaumbo avo oshinima aasho shiheli paunhu womunhu nola pumbwa oku talululwa.

President Geingob okwa pula opo oshikondo sheameno mehangano loiwana yahangana shikatuke onghatu oyo taikwa shilipaleke kutya,  outokolifo vehangano loiwana yahangana ovo tava popile oufemba wovanhu va Palesitine ovatulwa moilonga opo shiyandje ombili noku tokola ouwa wonakwiiwa yavo vene.

Geingob tapula eembinga adishe omo mwakwatelwa etanga loHamas , velikaleke kokule nominyonena tadi ningilwa oshiwana.

OmuPresident Geingob okwa yandja yoo etumwalaka laye lomahekeleko kovapambele aveshe ovo vena ovaholike vavo vaxulifa momalwoodi a Israel na Palestina nokwahalela eveluko lodiva,  ovo vamona oiponga.