President Joao Lourenco, okwa pula opo ku yambididwe oilongo ili momumbwe

OmuPresident wa Angola no kuli yoo omunashipundi wo ngonga hangano ya Africa (AU) Joao Lourenco,  onghela omandaxa okwa pula opo ku tulwe moilonga meendelelo omukalo we lundululo unasha no milandu do pashimaliwa mounyuni oshoyo eyambidido lina eenghono mo mayambulepo oilyolongo ya Africa.

Shelikwatelela kolopota yoshikundaneki sho Xinhua, oshati tapopi pefimbo loshongalele oshi 4 sho paiwana osho shinasha no mayambidido omayambulepo opashimaliwa (FfD4) ta shiningilwa mo shilando Seville, Spain   okwati oilyolongo ya Africa oya pumbwa eyambidido loku yulwamo mo nghalo yo mikuli omo ili, tati olo limwe lomo mashongo taayi mo shipala exumo komesho la Africa.

President Lourenco,  tapopi kutya onghalo yeengunga omo muna oilyolongo oya ponapo eedjo doushitwe, osho tati oshili oupyakadi weyokomesho noku hanga ondjodi ta ikalele inasha no mayambulepo oikundafanwa ya fanekelwa  2063.

Okwati enenedu la Africa,  ita lidulu oku xuma komesho lihena omayambulepo oo ena omakanghameno  a kola,  omo mwa kwatelwa ngaashi oikwanghono ishi oku lineekelwa, eedjila dilixwepo, omakwatafano opaengodi, ounamapya, oipindi, eetepo leemito do ilonga oku tumbulapo ashike imwepo.

Lourenco, tadenge omufindo kutya omayambulepo okwa pumbwa eyambidido lo shimaliwa shili pombada nokwa pula etungululo ku kwashilipalekwe kutya oilongo oyo ili moupyakadi, oya popilwa pa yambidido lo shimaliwa.

Oshongalele sho FfD4, osha hovela onghela omandaxa no ta shipula komesho fiyo ometine, sha kufwa ombinga ko valeli voilyolongo ya yooloka,  omahangano opaiwana, oikondo yeyambidodo lo paimaliwa, oku tumbulapo ashike imwepo, elalakano oku xwaxwameka eenghundafana dinasha neyokomesho talikalele.

The post President Joao Lourenco, okwa pula opo ku yambididwe oilongo ili momumbwe first appeared on Future Media News.

The post President Joao Lourenco, okwa pula opo ku yambididwe oilongo ili momumbwe appeared first on Future Media News.

Related Images: