President Netumbo Nandi Ndaitwah okwe shidimina kutya eeprojeka doo nakulwa ita diningwa pauyuuki

President Netumbo Nandi-Ndaitwah okwe shidimina kutya etulomoilonga lee projects da nuninwa oonakulwa ve kondjelomanguluko ota deende kashona tati epangelo ola pumbwa oshimaliwa shifike lunga pee N$3 billion opo li dule oku wanifapo omauwa oonakulwa.

Nandi-Ndaitwah  edi okwe di koleka  pefimbo ali tanyamukula komapulo oshiwana pefimbo lo shongalele shali sha ningilwa ko Hall yaaveshe ko  Swakopmund, oshivike sha djako.

Mu  August,  ouministry wo ipambele yoo nakulwa owa li walopota kutya konyala oo nakulwa ve dulife po  11 000,  onghee tuu veli va teelela natango oku pewa ofuto yavo osho ta shi ningwa koshi yo programa yee projeka doo handimwe, osho tashi pula oshimaliwa sha konda lunga pee  N$1.9 billion, oku wanifapo oipumbiwa yavo.

Omu  president menyamukulo laye okwa yemba neenghono omukalo womashangifo oonakulwa, wa didilikwa ta ulongifwa uhena ouyuuki tati omumbwe yeyambidido lo shimaliwa oya fininika epangelo li tule moilonga eeprojects ta shi ningwa okadikowishi.

Lwopokati opo omudongokononi wo ikwapolitika no kwali nale omutoolinghundana mukulukulu Dr Ben Mulongeni, eshi apulwa kondjonghundandana yetu kombinga ye wedelepo laye moshinima,  okwati haunene omuvalu wo va kondjelimanguluko wa pitilila, okwati omakwafo anuninwa oonakulwavakulu ahapu  okwa pewa ovanhu vehefi vo shili, molwaasho naavo ve shi kwetele komesho va hapu kaveshi vo shili.

Okwati oshili tashi nyemateke eshi natango tuna oonakulwavakulu moshiwana ovo ve shiivike nawa ndee natango onghee tuu ta va liwa oshipungo shoku pewa omayambidido oo evaununinwa, molwaasho ovo veli komesho yo inima luhapu iha veva kumbulula noha va kwafele ashike ovo veshi nawa ile ova popepi vavo naluhapu ota shidulika va kale  ve heshi ovakondjelimanguluko.

Dr Mulongeni okwa yandja omayele komupresident opo oshinima sho va kondjelimanguluko shi ungaungwe nasho kwaavo vena eshiivo no unongo wekondjelomanguluko tati ovanhu voludi olo onghee tu va kwate natango moshilongo no tava dulu oku yandja eyambidido lina oukwashili ngenge ove lineekelelwa oshinakuwanifwa.

The post President Netumbo Nandi Ndaitwah okwe shidimina kutya eeprojeka doo nakulwa ita diningwa pauyuuki appeared first on Future Media News.