Zimbabwe talundulukile metungo lipe lomutumba wopashiwana.

October 30, 2023 16

Epangelo la Zimbabwe ola shiivifa tali lundulukile metungo lipe lomutumba weumbo lopashiwana, etungo lopashinanena olo taku tiwa ola pewa eyambidido lopashimaliwa iha shishunifwako okudja kepangelo la China, tali hangwa pondje yoshilando pangelo Harare.

Omukanda oo watuminwa oikundaneki okudja keumbo lomutumba wopashiwana mo Zimbabwe owati, etungo lipe olili oshilimbo shoku kalekapo omifyululwakalo noku yandja elineekelo nomafindano kovanhu voshilongo shaZimbabwe.

Olopota oyati omupresident woshilongo Emmerson Mnangwangwa, oye taka kala ayandja etungo pambelewa komupopiliko weumbo lopashiwana nena.

Etungo likulu lomutumba wopashiwana mo Zimbabwe, ota kulopotwa lakala noku longifwa momido daka dilongela okudja nghene oshilongo shali momake oukolonyeki.

Etungo lipe ola talika tali kakala la yandja eyakulo kovanhu vefike 1000.

Epangelo loshilongo osho olati oshongalele oshi 44th shawedwapo shomayambulepo omitwe doilyolongo youmbuwanhu waAfrica no mapangelo (SADEC), otashi kaunganekelwa metungo lipe.