Elelo loshilando sha Windhoek la kwatela komesho oshongalele oshitivali sho vakainhu

March 11, 2025 2

Elelo loshilando sha Windhoek ola kwatela komesho oshongalele oshitivali shovakainhu osho tashi tale ko kuvanghonopaleka noku vatwa omukumo.

Oshongalele ota kulopotwa shali sha kalwa kovakufimbinga vefike 1,090 ovo vali vamona omito oku tyapula noku liyambididafana moinyangadalwa yoku liyambulapo.

Oshinyangadalwa osha tulilwe moilonga shalandula komapekaapeko oo aningilwe kelelo loshilando sha Windhoek mo 2019.

Onghela oshongalele osha li shakufwa ombinga kovapopi vayooloka ovo vayandja omatwomukumo ayooloka taalalakanene eyokomesho no makwatakanifo.

Oshongalele oshali sha kufwa ombinga koshi yekanghameno olo taliti ‘’Okuliyambulapo ove mwene noupenda, oshili ondjila yefindano yoku kwatela komesho noku yandja yoo oshiholelwa shiwa ku vakweni.

Omutumba owa talika wali wayandja elunduluko li liwetikile kovakainhu vadule yoo oku popya eenghalo odo vapitila mudo noku yandja ondjungu kwaavo veli mehangano nopondje.

Oshongalele oshili yoo sha unganekwa konima ashike yomafiku manini eshi kwali kwa dimbulukiwa efiku lovakainhu paiwana (8 March 2025).

Elelo loshilando ota lika unganeka yoo oshongalele shovalumenhu osho shiliko okudja nena 11 no 12 March 2025.

Oyongalele aishe yo pavali oya talika tayeeta elunduluko mewiliko lonele yoilonga melelo loshilando nokweeta odjemo iwa.