Epangelo ola shiivifa la dimina etulomoilonga lo vanailonga vakale hava kufako oshipambu sho penjela yavo

Epangelo ola shiivifa la dimina etulomoilonga lo mulandu upe oo ta ukapitika ovanailonga ve pangelo va dule oku kala hava pewako ko shipambu shavo sho imaliwa yo pendjela opo shi va pitike oku futa omikuli davo oko vedi pula ngenge va dopa oku shunako.

Oo eli ominsiter yeembongo oshoyo eungaungo lo mayakulo oshikuvila sho vanhu va pumbwa omayambidido Ericah Shafudah, edi okwe di koleka pefimbo lo shipopiwa shaye meumbo lo mutumba wo pashiwana onghela.

Okwati epangelo oku pitila mo uminsitry waye melongelo kumwe no ikondo inasha ne tonatelo lo imaliwa Namfisa, oshoyo GIPF oili ya dimina omukalo, no pefimbo eli omafaneko no milandu odo dina oku tulwa moilonga odiliwe nado metifa kombelewa yoo muprima minister.

Okwati oshinyangadalwa osha etwapo onga eluulikemo le pangelo oku yandja omayakulo eliwetikile ko shiwana shidule oku li monena omaumbo taa dulika unene tuu ko va nailonga ovo hava longo mepangelo ovo va talika she vaningila shiidjuu oku pewa omikuli do mbaanga.

Okwati koshi yo mulandu upe oo watulwapo oilyo yo GIPF, ota ika dula oku kala haipitikwa oku longifa oshipambu shayo sho shimaliwa sho pezela moku fitika oupyakadi wo mukuli wo maumbo, oshoyo yoo sha kwatelamo ngaashi oku landa eumbo ile edu opo omunhu ahala okutunga oshoyo okutunga ile oku tungulula eumbo laye.

Okwati oonakumona omauwa ota shidulika yoo va ka kale hava longifa omukalo woku futako oshimaliwa sho mukuli osho sha fyaalako ko maumbo avo ile oku va kwafela va nghonopaleke eenghalo do maumbo avo.

The post Epangelo ola shiivifa la dimina etulomoilonga lo vanailonga vakale hava kufako oshipambu sho penjela yavo first appeared on Future Media News.

The post Epangelo ola shiivifa la dimina etulomoilonga lo vanailonga vakale hava kufako oshipambu sho penjela yavo appeared first on Future Media News.

Related Images: