America okwa tegelelwa kaaha kwatelamo south africa na Rwanda mo African Growth and Opportunity Act,AGOA okuza mu 01 January 2027

Omukalelipo gwa America gwiipindi Jamieson Greer okwati iilongo yopaali oya ndopa okwaadha iipumbiwa yontumba yopolohalama yipindi,ta holola oondjindikila dhiipindi nomaipulo gegameno.

Onzonkundana yo Africa news oya lopota kutya etokolo olili eshuno monima komaliko giilongo yopaali,unene SouthAfrica,ngoka kwali ha mono uuwanawa oundji mopolohalama.

Washington okwa tula wo ethindakano ku Rwanda omolwa shoka ati eyambidhidho lye koorebel dho M23 mo DRC,shoka sha tindwa ku Kigali.

O AGOA ohayipe iilongo ya Africa mbyoka yaadha iipumbiwa ompito yowina momalandithilo ga  America.

Lopokati mpoka,Epangelo lya South Africa ohela olya holola okuuva konayi omolwa etokolo lya America oku kuthamo oshilongo muuwanawa wiipindi,ashike olyuuvaneke tali yambidhidha iikondo ya gumwa ,noku konga omalandithilo galwe goku tumina iilongomwa.

Momushanga,oshikondo sha south africa shiipindi,iikwafabrika nomathigathano oshati epangelo olya nongela  omaipulo getokolo lya America kiikondo ,mbyoka hayi tumu iilongomwa pondje yoshilongo,oongeshefa niigwana ya gumwa kekuthemo lyoshilongo mo US- African Growth and opportunity Act-AGOA.

Tashiti epangelo otali tsikile oku yambidhidha iikondo ya gumwa ,noku konga omalandithilo galwe, noku gamena iionga.

Tashiti wo south Africa otaka endeleleka oonkambadhala oku tanununamo omalandithilo ge,ta tidha oompito mu Africa,India,Europe ,mo Association of Southeast Asian Nations, mo Southern Common Market , China nosho tuu.

Oshikondo tashiti wo osha mona oompito oompe dhomalandithilo giilongomwa yuunamapya ,mwa kwatelwa o citrus,avocados,omandjembele nomayapela.

The post America okwa tegelelwa kaaha kwatelamo south africa na Rwanda mo African Growth and Opportunity Act,AGOA okuza mu 01 January 2027 appeared first on Future Media News.

Oshiwambo Archives – Future Media News