Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
Eyalulo lyomawi lili metifa sha landula omahogololo guupresitend nogopaalamende ohela. Omupresitend eli koshipundi George Weah ngoka ta kongo oshikako oshitiyali okwali a taalela aaulikwahogololwa 19. Ashike shiikwatelela ko BBC okwa tegelela a taalele eshunemo lyomahogololo omwedhi taguya. Okomisi yomahogololo okwa tegelelwa yi tameke tayi tseyitha iizemo yotango nena.
omupresitend Hage Geingob okwa tegelelwa eedhilile mbushe miilonga gwa S.A Cyril Ramaposa ngoka teya komutumba go 3rd Session of the Namibia -South Africa Bi National Commission metitano. Omupresitend Hage Geingob ota kuutumbike omutumba opamwe na Ramaposa. Omutumba otagu ka ikunda iikondo yelongelokumwe ya yooloka ngaashi uuna diplomate,eliko,iinima yopankalathano,o defence negameno. Shika osheya pethimbo sho iipindi pokati ka Namibia na S.A yaadha oodola oobilion 67.1 omumvo gwa piti.
Omupresitend Hage Geingob nena ota talelepo moshitopolwa Erongo. Geingob okweenda pamwe naanambelewa yopombanda mepangelo,nokwa tegelelwa a ka talelepo omahala goopololeka dhoa yooloka dho green Hydrogen ngaashi yo Walvis Bay Port,Oil storage,no Orano Desalination Plant. Pethimbo lyetalelepo,Omupresitend okwa tegelelwa aye moonkundathana naanipambuliko ya yooloka mboka taya kwatele komeho o Namibia Green Industrialisation Agenda.
Omunambelewa gopolosi moshitopolwa shaShana Warrant Officer Frieda Shikole okwati aalumentu yatatu oyiikutha oomwenyo muule womasiku gane ageke ga piti .
Shiikwatelela ko BBC,aaulikwahogololwa yeli 19 oyena etimaumbwile okupingenapo omupresitend eli koshipundi George Weah,ngoka ta kongo oshikako oshitiyali. Aakondjithi ye aanene oyo omupevi presitend omukulu Joseph Boakai,nomunangeshefa Alexander Cummings.
Dr Becky Ndjoze-Ojo ,oshilyo sho Parliamentary Standing Committee on ICT and Innovation okwa lombwele omutumba omuti 7th go ICT mo WHK kutya Namibia okwa pumbwa oodola oomiliomn 300 okugandja o internet yoshali kaakwashigwana ye. Konyala etata lyoshigwana kalina o internet,noku thiga oo % 49 dhaantu yaahena o internet,shoka sha holola ompumbwe yelundululo enene okushambekela onakuyiwa yopaungomba.
Deputy Inspector-General for Operations, Major General Elias Mutota gopolisi yoshilongo okwa tumbaleke elongelokumwe pokati koshigwana nomahangano gooveta oku kondjitha iimbuluma. Ta popi niikundaneki metitano mo Windhoek,Mutota okwa kwatakanitha epondolo lyoshikonga oshinene shopolisi oshiwike sha piti ,meinekelo lyoshigwana momahangano gooveta. Pethimbo lyoshikonga moshilandopangelo metiyali,opolisi yoshilongo oya mangapo aakwiilongo 20 ,mboka ya kuta aagundjuka aa Namibia muungekeleledhi wo cryto-currency oku kengelela aakwiilongo. Pethimbo lyoshikonga,opolisi oya hadha omagumbo ga 6 mo Auasblick,Klein Kuppe,Klein […]
Okanona okamati komimvo 13 ka tumbulwa kutya oko Mekondjo Katundu okiimangeleke metine mo Windhoek. Olopota yiimbuluma ya pitithwa kopolisi yoshilongo ohela oyati okamati okiimangeleke lopotundi onti 13h00 megumbo lyawo mOtjomuise. Omanga moshiningwanima shilwe..Onkwatwa Ekandjo Kalo,iikutha omwenyo omanga eli mondjedhililo yopolisi kopolisi ya Oshikuku molyomakaya. Oshiningwanima osha holoka lopotundi onti 17h00 omanga aanambelewa yali miilonga kwali taya topolele mboka yeedhililwa omiti dhawo. Kalo okwa lopotwa a yakulako omiti dhe ,ta matukile […]
Omukuluntu gomalandithilo nomakwatathano mo Agribank Rino Muranda okwati ombaanga oya topola omikuli kaayakulwa oyendjii nuumvo,okuyeleka nomumvo gwa tetekele. Muranda tati momumvo shimaliwa gwa hulu mu March 2023,aayakulwa 564 oya mona uuwanawa okuza momikuli dhombaanga,okuyeleka naayakulwa 440 omumvo gwa tetekele. Muranda shika okweshi holola momushangwa gwa gandjwa ohela,sha landula oshigongi sho Agribank Annual General Meeting sha ningilwa mo WHK mo 27 Sept nuumvo. Pethimbo mpoka,ombaanga okwali yuulike omapondolo,nondungethaneko yongaashingeyi ndjoka tayi […]
