Ehangano lyo Namibian Food and Allied Workers Union olya thaneka okugandja omukanda kemo kewiliko lyo Beefcor kOkahandja metitano

Momushangwa,omweendithi gwehangano moshitopolwa shondingandinga Lister Tawana okwati omukanda ogweetithwa komathaneko gehangano oku kutha miilonga aanilonga 393 omolwa omukithi gwekondo nelaka.

Lopokati mpoka,iikundaneki moshilongo oya lopota kutya o Savanna Beef nayo yili pooha na Okahandja, oya tumina komagumbo aanilonga 240 ,notayiikundu naagandji yawo yopashimaiwa, oku kaleka ehangano tali longo.

Etokolo okwa hokololwa lya tegelelwa oshiwike tashiya.

Shika osha landula sho Namibia itaa tumu we onyama pondje yoshilongo ,omolwa etukuko lyomukithi gwekondo nelaka moshitopolwa Kharas mo 23 September.

Okushunapo uukwatya woshilongo shaahena omukithi gwekondo nelaka otashi kwata oomvula sigo mbali.

The post Ehangano lyo Namibian Food and Allied Workers Union olya thaneka okugandja omukanda kemo kewiliko lyo Beefcor kOkahandja metitano appeared first on Future Media News.

Oshiwambo Archives – Future Media News