Opolisi yoshilongo no NAMRA molyomakaya oya mangapo omulumentu omukwashigwana gwa Angola,sho aadhika noshingangamithi sho Cocaine shili molupe looholo dhili 67.
Omulumentu okwa mangelwa kokapale koodhila ka Hosea Kutako,naandika olili emangepo etiyali lyafa mpoka meni lyoshiwike 1.
Moshiningwanima shotango etine lya piti,omukwiilongo okwa minikilwa nokwaadhika ena iingangamithi yili molupe looholo dhili 85 mepunda.
Nokwa mangwapo,sho ayi kondje,noku kuthako iingangamithi mbyoka.
Aafekelwa ayehe,shiikwatelela komupopiiko gopolisi Kauna Shikwambi oya thiki mo Namibia okuza ko Ethiopia.
Omulumentu gwahugunina ngoka a mangwapo molyomakaya okwaadhika a holeka iingangamithi mokadholo mbuluku,nokwali uuka mo WHK.
Shikwambi tati iiningwanima mbika yopaali oyili uumbangi kutya opena omalandithilo omanene go Cocaine mo Namibia.
Noshigwana osha pumbwa okwiimanga kumwe nokuungaunga naa Namibia oshowo aakwiilongo mboka taya ndjondjele iingangamithi moshilongo okupitila kuupitilo wa yooloka.
Nopolisi otayindiile oshigwana shi lopote iinyangadhalwa yafa mpoka kopolisi.
Related Images:
