IOM tapula oilyolongo ikwafele oshiwana shili mondjala mo Sudan.

August 15, 2024 26

Ehangano leenauki mounyuni IOM olapula oilyolongo ikwafela mokuyandja omakwafo yambidido koshiwana shova Sudan osho sha tembulwa koita.

Momukanda lopota oo wapitifwa kehangano lo (IOM) owati, ngeenge oilyolongo ina ikatuka onghatu yomeendelelo oshiwana shova Sudan osha taalela oupyakadi wokufya kondjala.

Ehangano olati ola yakula ashike eyambidido lee 21% okuyandja omakwafelo apumbiwa kova Sudan, oshilongo osho shili momakuyunguto oo aetififa ondjala, omikifi, oshoyo omafudja.

Mohamed Refaat, eli omunambelwa ekwetele komesho ehangano lo IOM mo Sudan, pefimbo talombwele oikundaneki okwati oilyolongo yopondje ita iyandje eyambidido lawana oku kwafela ova Sudana, osho tati ota shidulu okweetififa omafyo mokati kovakwashiwana.

Olopota oyati omuvalu wova Sudan vefike pee million 10.7 ova tembulwa konghalo yoita moshilongo, omo ee million 2.3 vatauluka eengaba nokuya poishiindalongo.

Oita mo Sudan, oya hovelele mu April 2023 oyo yatukukile pokati keendjayimbali domatanga eameno moshilongo.