Muni waSwakopmund aetapo oufano voku kelela ominyonena.

Elelo lodoropa ya Swakopmund ola shiivifa latamekifa noku dika oufano veameno peenele odo da didilikwa dili moshiponga sheengangala.

Etokolo lelelo oleya konima oshiwana shahovela oku kema nokuu lika omalimbililo asho kombinga yehapupalo loimbuluma momudingonoko.

Moshongalele osho shali shaningwa noshiwana kuyele, ovakwashiwana mo Swakopmund,  ovaulika valoloka onghalo youlunga uli pombada, novapula elelo lodoropa lilidopemo mokuyandja ekwafelo.

Ovakwashiwana otavati onghalo yavo yeameno oili moshiponga unene tuu momafiku eepay ngaashi mo  20th, 25th, oshoyo 30th, notavati omaufiku nomaufiku ovanhu ota vakuu alushe vaningwa oihakanwa yomaponokelo eengangala.

Oo eli omunambelewa omukulunhu melelo lodoropa ya Swakopmund, Archie Benjamin, okwa kwashilipaleka oshiwana kutya elelo ota li kendabala opo tali dulu oku kalekapo eameno nepopilo loshiwana momudingonoko.

Okwati eenele dili 15 oda tofwamo oku tulwa oufano vou  CCTV.

Elelo ola pula yoo oshiwana shilongele kumwe moku yandja ouyelele kombinga yaavo hava kwatele komesho ominyonena momudingonoko.