NamPower ayandja omaano oikwafifolongo kofikola ya Dordabis Primary School

July 24, 2024 25

Ehangano loku adjakaneka omayakulo eenghono dolusheno moshilongo lo (NamPower) onghela omandaxa ola yandja oikwafifo yelongo kofikola yedina Dordabis Primary School yongushu yee N.dollars 70 000.

Olopota yapitifwa koshikundaneki sho Nampa oyati oikwafifolongo oya teelelika ikakale mouwa wounona vofikola vedulife po 300, yakwatelamo omambo, omashina eecopy ee computer oshoyo freezer.

Tapopi pefimbo leyandjo loikwafifolongo oo eli omunambelewa koshikondo sho mashingifilo mehangano lo NamPower Martha Shifotoka, okwati omaano ayandjwa okuli edidiliko lehangano okuulika elitulemo lalo oku kwashilipaleka kutya okanona oka Namibia oka pewa omayambidido oo taka pumbwa opo keshipondole monakwiiwa.

Shifotoka tapopi nghene ovalihongi vahapu unene ovo tava hangwa koitopolwa yokonooli yoshilongo vehena oikwafifolongo yawana.

Taulike nghene elongo lili ekanghameno lakola oku eta elunduluko monghalo yomunhu keshe nokwa yelifa nghene oikondo yayooloka taipumbwa okulongela kumwe moku shakeneka epangelo odjilakati.

Pefimbo opo twoo opo oo eli omunambelewa omukulunhu elilepo oshikondo shelongo moshitopolwa sha Khomas Erikkson Shilemba, okwati oiyakulifolongo ya yandjwa kehangano lo NAMPOWER oili taika eta elunduluko li liwetikile movahongwa vofikola ya Dordabis Primary School, oshoyo koshiwana ashishe kondadalunde.

Okwati ehangano loNamPower ola dana onghandangala yakula mokuyambidida ofikola idule okuyandja elongo longushu kovalongwa.

Shilemba tapopi yoo nghene omayambidido taa kanghonopeka oshikondo shelongo moshitopolwa sha Khomas, opo omalalakano findano elongo adule oku hangika.

Pefimbo tatambula omaano oo eli omukulunhufikola pofikola ya Dordabis Primary School Rennellie Guriras, okwati omaano okuli taa kaeta elunduluko kovalongwa pofikola nokoshiwana ashishe.

Okwa udaneka tava kakwata nawa oilongifolongo oyo vapewa yee taulike olupandu laye kehangano lo Nampower.