O prime minister ya Bangladesh yazi miilonga noku tauka oshilongo sha landula omahololomadhilahdilo

Aakwiita ya Bangladesh okwali taya kondolola oshilongo nena sha landula omahololomadhiladhilo omanene ngoka ga thiminike prime minister Sheikh Hasina a ze miilonga noku fadhukapo.

Omunamimvo 76 Hasina okwa kala koshipundi okuza mo 2009,ashike okwa pewa ombedhi oku kengelela omahogololo mu Jan ,noku tala aantu oomilion taya ningi omahololo madhiladhilo momwedhi gwa piti taya pula a ze miilonga.

Aantu omathele oya hulitha onga oshizemo shaakwiita taya kambadhala oku halakanitha aahololimadhiladhilo,ashike omahololomadhialdhilo ogiindjipala,na Hasina okwa tauka oshilongo nedhagadhaga ohela,sho etanga lyopakwiita lyemu tanaukilepo.

Omukuluntu gopakwiita Waker Uz Zaman okwa tseyitha komatango gohela ko TV yepangelo kutya Hasina okwa za miilonga ,netanga lyopakwiita otali etapo epangelo lyopakathimbo.

Tati oshilongo osha mona iihuna oyindji,eliko olya dhengwa,naantu oyendji oya dhipagwa,na ethimbo ongaashingeyi oku hulithapo omakuyunguto,sho engathithi lyaantu lya mbolokotele noku ningila omiyonena egumbo lya Hasina lyopambelewa,shiikwatelela konzonkundana yo AFP.