Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
Namibia oha lopota iipotha iipe yokankela yoshipa yili 1 016 kehe omumvo,nokuyi ningitha okankela ya ha moshilongo.
Omiyalu okuza mo Namibia National Cancer Registry odhuulike kutya mo 2015 omwa lopotwa iipotha 1 1 53,tayiyi po 1 185 mo 2016 nope 1 269 mo 2017.
Iipotha oya shuna pevi mo 2018,niipotha 831,taku landula iipotha 894 mo 2019,niipotha 766 mo 2020.
Shika osha hololwa komukuluntu wiliki gwehangano lyokankela moshilongo Rolf Hansen nena.
Tati o squamous Cell Carcinoma oyo unene hayi lopotwa olundji,noopotha 653 hayi lopotwa kehe omumvo okuza mo 2015.
Ta holola kutya aanilonga haya longele pondje,mwa kwatelwa aanafalama,naanilonga yomatungo oyeli moshiponga oshinene.
Nonando iipotha tayi lopotwa,ondjele yenongelo noku monikilapo kuyele onkee yili pevi.
Ta gwedhako wo kutya omikalo dhoku igamena omwa kwatelwa oku longitha omagadhi go SPF30+,okuzala iizalomwa ya siikila olutu,noku yanda oku kala momutenya uule thimbo.
Nepango lyokankela yoshipa olya kwatelamo etando,o crytherapy,o radiation therapy,nongele oya huma,ohaku longithwa o immunotherapy.
Ta gwedhako wo kutya ehangano lyokankela otali tsikile oku kwatela komeho iikonga nongelo,ta dhenge omuthindo esimano lyoku monikilapo kuyele noku keelela,oku shonopeka okankela yoshipa moshilongo.
