Listeners:
Top listeners:
play_arrow
Omulunga Radio
Ooyene yomikunda oyo ashike yena uuthemba oku kutha omatokolo momikunda dhawo Selma
Ooyene yomikunda oyo ashike yena uuthemba oku kutha omatokolo momikunda dhawo Selma
Ominista yuuyuki Yvonne Dausab okwati olili elalakano lyepangelo oku kaleka aaheheli momagumbo gawo mpoka tashi vulika,noku ninga ekutheko lyomagumbo koombaanga etokolo lyahugunina elela.
Minister megumbo lyopashigwana ohela okwati shika oshili mooveta dhopashigwana dhuuthemba womuntu dhoka dha talako uuthemba wakehe gumwe okukala nolukalwa luli nawa,mwa kwatelwa omagumbo.
Ashike ekotampango lyoshilongo inali gandja paukililo uuthemba womugumbo kohi yo Bill of Rights.
Dausab okwali ta popi sho ta popile o High Court Amendement Bill,ndjoka ati otayi kongo okuthikitha pamwe okugamena uuthemba wooyene yomagumbo.
Ta gwedhako kutya mboka oohahende inaya longithwa onga ompito yotango okwiikunda okufuta,ashike naya longithwe onga ompito yahugunina okuyanda oongunga odhindji komuyakulwa.
O High Court amendment Bill oya tulwa tango megumbo lyopashigwana mo 2021,moka oonkundathana kwali dha kundukidha egameno inaali gwana nuuthemba waanamagumbo,nankene oompangu tadhi pewa uuthemba wa gwana oku idhopamo,uuna omuntu eli poku kanitha egumbo lye.
Naashi ontotwaveta ya kwishi,Dausab okwati oonkundathana odhindji odha ningwa naanipambuliko ya yooloka opo yi longe muuwanawa woshigwana.
Nongaashingeyi oya ningilwa omalundululo ,na Minister okwiindiile egumbo lyopashigwana li yambidhidhe ontontwaveta oyo tuu ndjoka.
